Akhtar Muslimi

کیوں کرے کوئی بہاروں میں نگہبانی مری
جا نہیں سکتی یہ خوئے چاک دامانی مری
کرلے جتنا ہوسکے تجھ سے ستم اے آسماں
رنگ لائے گی کبھی تو نالئہ سامانی مری
...

کیا بتائیں کتنا لطفِ زندگی پاتا ہے دل
جب نگاہِ ناز تیری زد پہ آجاتا ہے دل
کون ہے غم خوار اپنا شامِ غم اے بے کسی
دل کو بہلاتا ہوں میں یا مجھ کو بہلاتا ہے دل
...

تخلیقِ دو عالم ہے بفیضانِ محمدؐ
دنیا کی ہر اک شے پہ ہے احسانِ محمدؐ
یہ رتبۂ عالی ہے یہ ہے شانِ محمدؐ
خود خالقِ عالم ہے ثنا خوانِ محمدؐ
...

اے دوست یہ باتیں تم شاید سمجھو نہ مرے سمجھانے سے
انجام محبت کا کیا ہے پوچھو یہ کسی پروانے سے
کم بخت یہ دل اُف کام پڑا مجھ کو بھی عجب دیوانے سے
سمجھے نہ کبھی سمجھانے سے بہلے نہ کبھی بہلانے سے
...

کروں وصف کیا میں بیاں ترا تری شان جلّ جلالہٗ
تری ذات لائقِ ہر ثنا تری شان جلّ جلا لہٗ
تری کارسازی سے آشنا نہ ہوئے پیمبر و اولیاء
ترا بھید کوئی نہ پا سکا تری شان جلّ جلا لہٗ
...

یہ ہمارا چمن ہے ہمارا چمن
رحمتِ ایزدی اس پہ سایہ فگن
نورِ شمع یقیں زینتِ انجمن
بوئے ایماں ہے پھیلی چمن در چمن
...

قیامت ہے بہار اب کے برس اپنے گلستاں کی
گلوں میں کیفیت پیدا ہوئی خارِ بیاباں کی
جو باہم عندلیبانِ چمن دست و گریباں ہیں
تو ایسی کشمکش میں فکر ہے کس کو گلستاں کی
...

اک حشر اضطراب سا قلب و جگر میں ہے
کیا جانے کس بلا کا اثر اس نظر میں ہے
اس پر بھی اختیار نہیں وائے بے بسی
سمجھے ہوئے تھے ہم کہ دل اپنے اثر میں ہے
...

صدقے تِری نظروں کے میرا دل بھی جگر بھی
ساقی مرے اک جام عنایت ہو ادھر بھی
اٹھنا تھا کہ بس چور ہوا دل بھی جگر بھی
کیا چیز تھی واللہ وہ مخمورِ نظر بھی
...

کیا کہوں دل مرا کس درجہ غنی ہے اے دوست
دولتِ درد اُسے جب سے ملی ہے اے دوست
مجھ سے قسمت بھی مری روٹھ گئی ہے اے دوست
یہ بھی انداز ترے سیکھ رہی ہے اے دوست
...

ازل سے سرمشق جور پیہم خدنگ آفات کا نشانہ
میں سر سے پا تک ہوں نالئہ غم سناؤں کیا عیش کا ترانہ
سنا تو میں نے بھی ہے کہ دامِ قفس کو ٹوٹے ہوا زمانہ
تمیز لیکن نہ کرسکا میں کہ یہ قفس ہے کہ آشیانہ
...

اے دلِ بے خبر ابھی کیا ہے
جانتا بھی ہے عاشقی کیا ہے
سبب جورِ بے رخی کیا ہے
کچھ کہو وجہِ برہمی کیا ہے
...

حیات ایک تگ و دو کا نام ہے شاید
سکوت کیا ہے فنا کا پیام ہے شاید
سکون راہِ طلب میں حرام ہے شاید
کہ عشق بے خلش و درد خام ہے شاید
...

ہم وہ ہیں جو طلب لذتِ غم کرتے ہیں
تم سے کب شکوۂ بیداد و ستم کرتے ہیں
ہائے کیا ہوگا بتا اے دلِ بیداد پسند
اب ستم بھی وہ بہ اندازِ کرم کرتے ہیں
...

ہر شب تارِ خزاں صبح بہاراں کردیں
خار بے جاں کو بھی رشک چمنستاں کردیں
کرکے رنگیں در و دیوار لہو سے اپنے
ہم اگر چاہیں تو زنداں کو گلستاں کردیں
...

پیدا ابھی مذاق گلستاں نہ کرسکے
تبدیلِ ذوق خوگرِ زنداں نہ کرسکے
کیوں کر کہیں بہار ہم ایسی بہار کو
شیرازئہ خزاں جو پریشاں نہ کرسکے
...

جبیں اپنی کہیں خم ہو نہ جائے
مزاجِ حسن برہم ہو نہ جائے
بجھا تو دی مری شمعِ تمنا
چراغِ زیست مدھم ہو نہ جائے
...

آئینِ جفا ان کا سمجھے تھے نہ ہم پہلے
ہوتا ہے ستم پیچھے کرتے ہیں کرم پہلے
کیوں سیرِ گلستاں پر ہے چیں بجبیں کوئی
زنداں میں بھی رکّھا تھا میں نے ہی قدم پہلے
...

نہاں ہے خوئے صیّادی ہمارے باغبانوں میں
عنادل باغ کے غافل نہ بیٹھیں آشیانوں میں
بس اک احساس آزادی سے دل ہے مطمئن ورنہ
قفس کا رنگ پیدا ہوگیا ہے آشیانوں میں
...

مل ہی جائے گا کوئی کنارا مجھے
موجِ غم دے رہی ہے سہارا مجھے
لے لیا تُند موجوں نے آغوش میں
ڈھونڈنے اب چلا ہے کنارا مجھے
...