Genesis Bedio

Genesis Bedio Poems

The Best Poem Of Genesis Bedio

Ang Tinuod Nga Kanta Sa Tambay

Arang kalaay sa maulawong kalag!
Pasiplat ug di pa-dayag sa gibati
Matinuod pa kaha o sa handurawan nalang kutob
Kining gimugna sa alilang
Nga ikaw og ako, nagkahigugmaay?

Kay nagpuyo ra man ko sa ngitngit og bugnaw nga aseras
Nagbantay-bantay sa imong mga tunob
Sa takna nga muagi ka ning dalan nga sagotsoton
Nga gisuhito sa akong pagpaniid ug gisemento sa akong pagmika
King agianan muhayag ug mahimong subayanan sa mga buwak!

Walay dungog ang pagpungko sa dalan
Pero bisan sa walay hinungdan nga pahamudlay
Natagbaw ko sa akong gibati
Sa dihang niagi ka ug nagpasiplat
Dayong liko sa padulngan

Mibaktas ka palayo sa nagbiaw nga iskina
Ug gilukob ka sa kadaghanan nga nagsubay sa mahimus nga kinabuhi
Ug samtang ang akong pagbati nagkahayag pa
Hinay-hinay sab kining sugaton sa kangiob
Ug ang dalan sa buwak mahimong laray sa mga balili
Mungitngit—mumingaw.

Genesis Bedio Comments