Lokeshgouda Joladarashi

Lokeshgouda Joladarashi Poems

The Best Poem Of Lokeshgouda Joladarashi

ಪ್ರೇಮ ಕಥೆಗಳು

ಸತ್ತ ಮನಸಿನ ಮನೆಯಲ್ಲಿ ಕಣ್ಣೀರಿನ ಕನಸುಗಳು
ಹೆತ್ತ ಕರುಳಿನ ಕುಡಿಯಲ್ಲಿ ಬೆಂಕಿಯ ಕೆಂಡಗಳು

ಕಣ್ಮರೆಯಾದ ಅವಳ ಚಿತ್ರದಲ್ಲಿ
ಜೊಡಿಸಲಾಗದೆ ಒಡೆದ ಚೂರು ಚೂರು ನೆನಪುಗಳು

ಆ ನೆನಪುಗಳ ಅಡಿಯಲ್ಲಿ
ಅಳಿಯದೆ ಉಳಿದ ಭಾವನೆಗಳು

ಸುರಿಯುವ ತುಂತುರು ಮಳೆಯಲ್ಲಿ
ಕೊಡೆ ಹಿಡಿಯದೆ ನೆನೆದ ಮೈಮನಗಳು

ಉರಿಯುವ ಬಿಸಿಲಿನಲ್ಲಿ
ನೆರಳಾದ ನಿನ್ನ ಕೈಗಳು

ಮುಂಜಾನೆಯ ಇಬ್ಬನಿಯಲ್ಲಿ
ಜೊತೆ ನೆಡೆದ ಹೆಜ್ಜೆಯ ಗುರುತುಗಳು

ಮುಸ್ಸಂಜೆಯ ಮುಸುಕಿನಲ್ಲಿ
ಜೊತೆ ಬಿಡದ ನೋವು ನಲಿವುಗಳು

ನೀ ಇಲ್ಲದ ಬದುಕಲ್ಲಿ
ಸಮಯ ಕಳೆಯದ ದಿನಗಳು

ನನ್ನ ಮನೆಯ ಮನದಲ್ಲಿ
ನಿದ್ದೆ ಬರದ ರಾತ್ರಿಗಳು

ನಿನ್ನ ಸೇರುವ ಆಸೆಯಲ್ಲಿ
ಹಾತೊರವ ನನ್ನ ನಯನಗಳು

ನಿನ್ನ ಬಾಹುಬಂಧನದಲ್ಲಿ
ಕೊನೆಯ ಉಸಿರು ಹಸಿರಾದ ಕ್ಷಣಗಳು

ಸಾವಲ್ಲು ಮೆರದ ಜೀವಾತ್ಮಗಳು
ನೋವಲ್ಲು ನಗುವ ಪ್ರೇಮ ಕಥೆಗಳು

ಸಾಹಿತ್ಯ-ಲೋಕೇಶಗೌಡ ಜೋಳದರಾಶಿ

Lokeshgouda Joladarashi Comments