newton sharma

newton sharma Poems

The Best Poem Of newton sharma

'Today's Rainy Day'

I wrote this poem 'Today's Rainy Day' while going at office today in office bus when it started raining........





Aankhein moond ke Bus mein soya tha, bus office ke liye aage bad rahi thi

achanak bus ne jhatka khaya, aur neend khul padi

charo taraf nazar ghooma ke dekha to sab neend me kho rahe the

kuch seat pe sir tika ke kuch kaanon me headphone lagaye hue neeche sir jhukaye so rahe the

bahar nazar gayi to dekha bus redlight pe khadi thi, pedho ke jhumne ke saath saath thandi hawa chal rahi thi

office ke liye already late tha, lekin ab late hone se fark nahi padta tha kyki mausam ultimate tha

ab wapis sone ki koshish kya karta ab neend kahan aani thi, badalo ki parchai ke taley hariyali ki rumani thi

ab to bas Bus driver ki seat ke front mirror pe nazar tiki thi, fir dekhte hi dekhte mirror pe baarish ki ek pehli boond tapki aur fir dusri fir teesri karte karte boondon ki kayi jhadi giri thi

baarish shuru ho chuki thi, mitti ki khusbu ud rahi thi mere bagal ki khuli khidki se mehkti mitti ki khushboo se saath baithe logo ki neend khul chuki thi

fir dubara nazar dauda ke dekha to sab jaag rahe the, sab khidkiyaan khol ke bahar taak rahe the

fir saath baithi ladki ne apna Blackberry nikala aur apne dost ko phone lagaya, aur taza tarim nazare ke anusaar mausam ka haal bataya

ab tak signal hara ho chuka tha, bus ke saath saath DND flyover ke HCL stop pe utarne wale employees ki dhadkan bad rahi thi

aaj office bheegte hue pahunchenge ye soch chal rahi thi

kuch ladke bag se kuch ladkiyaan chunni se apna sir dhak kar kuch baarish ki parwah kiye bagair befikri se utare

bache paidal school ke liye pani ki parat gili sadko se guzar rahe the kuch bheege bheege se khuch sookhe sookhe chala rahe the

fir SEctor-24 ka stop aane tak baarish ruk chuki thi, employees refresh mood ke saath bas se utar rahe the

ab mera stop bhi aane ko tha, Sec-60 ke liye bus chal padi

fir achanak dil mein ek khayal aaya kaano me earphone lagaya aur 'AAj Mausa bada Bayimaan Hai' gana chalaya, gaane ke khatam hote hi sec-60 tak ka distance bhi cover ho gaya tha

utar ke do boondo ke liye haath badya to paya ke baarish ka period bhi over ho gaya tha, par jo bhi hua baarish aur mitti ki khushboo ke sang safar yaadgaar ho gaya

newton sharma Comments