माथाम मोख्रा, गान्घी आरो आं Poem by Ronjoy Brahma

मेगनखौ मेसेब,
खुगाजोँ जेबो दाबुं,
खोमाखौ माथु,
गोसोआव दंङ गान्घीया मा फोरोँङा? ?
गोसोआव लाथाब लाथाब
थाबायदोँ आं लामाजोँ-
बबे लामाया गोलाव
बबे लामाया गुसुं
सिनायनो हाया हाया
गेददा गेददि दोँनै लामाखौ।
गान्घीनि मोन्थोरा दोँसे बाराबाव,
दोँथाम मोन्थोरा आंखौ आख' फाख' खालामो।
नायबाय थायो आं माथाम मोख्राखौ,
नायबाय थायो गान्घीनि गंसे लावथिखौ,
बिनि आगान
आंनि मेगनजोँ,
बिनि सानस्रि
आंनि खुगाजोँ,
बिनि बोसोन
आंनि खोमाजोँ,
आंनि गोदान सोलोँनाय
आंनि गोदान नाजानाय।