मोनसे बेरामनि ट्रेजिडि लाइमोननि Poem by Ronjoy Brahma

आंनि गोसोखांनाया बारा जायो
गोथार गोरबोनि मोनसे बिखाया
इनाय-बानाय सिरिनि नागिरो
आं सहायनो हाया हाया मोनो
-
फासिनि दौलेँजोँ सोर्गोआव थांनो
नङाब्ला बुरलुंबुथुरजोँ गोजावलांनो
खान्थाल थाइजौ बिफांफोराबो
आंखौ हांख्रायो आंनि दुखुखौ फोजोबनो
-
दिखार गोनां नाथाय मोनसे गोसोआबो
आंनि गोसोनि सुथुरबाव
आंनि गोसोनि आंनो सुथुरसो
सान अखाफोरा नायखुमानाय बियो?
-
खोमसि खोमसि खारखुमा बायो
सोर्गोनि लामा नागिरनानै
नाथाय सोर्गोआ बहा?
खोमसियावबो दा दा गसंथेयो हाथर्खिमोना
-
आं लाजियो थाखुमायो आं
थांनाय थैनायनि मोन्नै बिन्दोआव
सोर्गो नोरोकनि बाथ्राखौ सान्नानै
बहा दंमारो सोर्गोआ बिजिर बिजिर
-
अनजालिखौ बावगारनो हानाय
दुखुखौ दर्जा फांथेनाय
बेवहायनो नामा सोर्गोआ?
बिजिरो आरो बिजिरो आं...।