खाबोथिउ थिउ बाजै गोदान
सान जिबानिल' अखाफोर गोदान
आयफाया नोँखौ फसाय खाया
बेखायनोथ' नोँलाय खारसन फैया?
-
अन्थाइ बाजाबखौ नागिरना मोना
बाजै दैमा-दैसानि दाय नङा
नोँनोथ' सिनाय रोङा
बोरमा दारिया बोरमानि नङा
-
खारै जायोब्ला देहाया राफोद जायो
नोँहा मानो गोबाख'लायो?
थाव गुबैखौ साराय बुंहोग्रा
आदानासो उदैयाव हेलिकप्टार बिरग्रा
-
जानाय संनाय गोथाव गोथाव
आदाया बुंथि बायगोन मिथिथाव
साराय खिथुनि हांगार
मालायखौनो मोखांआव फुनगार फुनगार
-
बाजार गलायाव खोनायो आं
बाजैयालायनो बिखा गुवार
औ नंगौथ' खिबु गुवार
नांज्लायनायाव हां लाहां लायाहां
-
बेरे सिखिरिया नायगोमोयो महराव
आं गोमोयो बियोदि रांगाव
बिनि गोसोआ जोबोद गिलिद
गिनांगौ रावफोरा गंफा गंफा जिलिद
-
आदाया खामानियाव गाबज्रिग्रा
बाजैया खोमायाव आसि थुग्रा
नायै नायै माबोरै बिजिरनो
बेखौ माबादि संसार होनो? ?
This poem has not been translated into any other language yet.
I would like to translate this poem