आंनि खथायाव मासे बेमा दं
गुबुन आरो जेबो गैया
गाखोलाय ओँखारलाय एम बानायो
जाय एमखौ आं जेरावबो नुवा
अरायसम थांना थानायनि बेवनो आबाद खालामो
-
आं गोजोन्नाय मोनो
नायै नायैनो आबारिमोनखौ
रोमै रोमै गोसोखाङो
बिसोरनि थांलाय-फैलाय हि थोरनायखौ
-
हि सोँनो रोङै
नंखाय आंनि अनजालिया
आंजोँ जुलि जानो नागिरदोँ
आंनि न' बां फोसाबनो
बेमा दोँ बेमा मासेखौ नुनानैनो
-
अनजालिनि बे इनाय नोजोरखौ
आं सहायनो हाया
जायखौ नायनानै आंदि गोजोनो
बेखायनो अनजालिनो जुलिनि
रादायखौ होआखै आं
-
हर सान बे बेमा मासेआ
आंनि जिउनि थुलुंगासो
आंनि थांना थानायनि मिजिँ
जायखौ आंदि नारा नाथा नाजादोँ।
This poem has not been translated into any other language yet.
I would like to translate this poem