दुखु गोनां मिनिथाव सल' Poem by Ronjoy Brahma

दुखु गोनां मिनिथाव सल'

Rating: 5.0

बै सानखालि सियालनि
हाबा जादोँमोन
जेब्ला हालिसे रामोन्दा मैनानि
जुलियाबो जादोँमोन
-
ओँखाम गोखाम जानायनि
ओँखाम गोखामनि फिन्नाय बियो
मादै थिँगिनि राव बेफोर
-
मेसेँ बोथोरमोन
मेसेँ बोथोरखायनो रेवरेवा गाबाखै
गान्दौला मोसानाया बुंथावै बाथ्रा
सा गोलाव मोसानाया जाथावै
लाब्रा मोसानायानो जायाखिसै
-
दाउखा बोराया बहा फैनो?
सैमा बांग्रा
खालु गदिमोनाबो फैयाखै
रामोन्दानि हाबाया सामुरिसोमोन
-
हापसेखौ बुंब्लाबो बुंथावथारै
सानफा लोँब्लाबो खांग्रांनो रोङै
लावां जलंमोनहा खोनायाखै
बैराथिनि ललिनाय सालाय थन्नानै
-
बेदर दरसेजोँ ओँखाम खहाबै
बुंगार माहाजोन
नसुंसे बिसिडिसि नि मेम्बारि
दांखाव बिमायाबो खौरां मोनाखैनो
-
हाबाया माब्ला जाखो
रामोन्दा नोँनिया?
नसुंसेनिनो रानि देवानिया सोङो
फिन्नाय नागिरना मोना मैनाया
-
अमा मासे फिदोँमोन
हाबानि थाखायनो फान्नांदोँ
सोरबा सोरबा बुङो
रामोन्दा हाबाया नोँहा माब्ला?
-
लाजिथोँ लाजिथोँ देवबारिया बुङो
हाबायानो मेरामिससोमोन
थफ्लासे मुरिखौ जोथोब होनानै
समबार बिमायाबो बोर होदोँमोन।

Thursday, October 29, 2015
Topic(s) of this poem: hate
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success