दबा सिग्लाबनाय मोदै Poem by Ronjoy Brahma

अनजालु लाइजामखौ फरायदो
नोङो आंखौ गोसोखांना
आंनि मोदैखौ हुगारफैदो
खुसियै खेबसे रंजा फैना
-
नोङो एसेबां गोजानाव
रिउ रिउ नुहर मोनै
हार्सिँङै दंहैखो
आंखौ बावगारदोँ नोङो?
नङा नङा नोँखि बावनो हागोन?
-
सना आङो सानफ्लाङो
सानबाय थायो
साननांगौ जायो सना
दिखार गोनां दैसा गेजेराव
-
नोङो बावनो होयोब्ला
आंबो बावनो हागौ
आंनि मोदैया रानलांनायबादि
नाथाय नोँखि नेवसिमारदोँ?
-
बावगारनाया गोबां खम
गोसोखांनाया गोबाव सम
नोँनि होनाय रादायखौ
दबायाव बोन्ना लादोँ आं
गोरबो बिलिरै बिलिरै
-
बेखायनोथ' गाबै गाबै
दबाया सिग्लाबो मोदैजोँ
रान्नाय नङा मोदैया
मोनसे समा फैया जेब्ला...।