दाउथु गावब्ला
मोस्रोमा आफायाव अरनाय
ना बोनब्ला
लेवारा आदैयाव अरनाय
मै सेसा नेवलाय होहैब्ला
बेरे जथाया थामब्रे जोनाय
बेफोरो उन्दै समनि सल'
-
BSA साइकेलनिफ्राय जागायनानै
180 मटर साइकेलसिम सफैबाय आं
बेवहायबो सम्बारि मुलाथिमोना
लामा सामा फुजा मेला
-
आं अखाफोरसिम बिरलांनो सानो
नङाब्ला अर्न्टाटिकासिम
हाथाराब्ला हिमालय हाजोसिम
बेवहायबो अनजालिया हमथाफैयो
-
मोफौआ मानखोनाय बादि
सिदा दंफांआव
सिं सानेर सानेर मानखोबायो आंबो
सानलावरिनि रोदाजोँ
दाबो दालाइ मोनसेखौनो बारा
-
दुद्रुफिननो नागिरो एखमबा
खेबथाबै खेबथाबै आसुगुरा गावजिरो
दाबोदि दालाइ मोना
गोलैहां गोलैहां जाथारो आं
-
दाउसिन दाउलाया गोजौआव
रोजाब रोजाब हांख्रायो
अनजालिया गाहायाव नेना थायो
हे! दाउसिन दाउलाफोर
नोँसोर आंखौ बोखो
गां फुवार फुवार लोगो लानानै।
This poem has not been translated into any other language yet.
I would like to translate this poem