बिबारि नोँ आंखौ खुदुम Poem by Ronjoy Brahma

बिबारि नोँ आंखौ खुदुम

Rating: 5.0

जारौ मारौ फुरहाब जाहाब
समायना हायना गोनां
नोँ लेँहरनायखाय मिनिसुलु
नै अनजालि आं फैदोँ
-
दालाजि नोङो
आंखौनो लाजिबाय?
नोँ मोजां मोन्नायखायनो
आंबो नोँखौ मोजां मोनदोँ
बिनिखायनोथ' आं फैदोँ
बिबारि नोँ आंखौ खुदुम
-
आखाय थारखाजोँ नोङो
मोखांखौ दा खोबथे
फालिखौ आंनो हर नोङो
मोदै गब्ला आं हुगारगोन
-
सना रावबो गैयै फुंआवनो
नोङो आंखौ खुदुम
आंबो नोँखौ खुदुमगोन
लाजिगैयै सानसिख्लाया नुहरब्ला
दाउसिन सिखिरिमोना नुहरब्ला
बिसोरो जोँखौ मेगन सागोन
-
जिउनि रंजानाय गेलेनाय
गुदि गोजोँ मिनिनाय
बे फुंआवनो सना
बे फुंआवनो
नोँ आंखौ गोबा
आं नोँखौ गोबागोन
रावबो नुयै बयनिबो फुंआव।

Wednesday, November 4, 2015
Topic(s) of this poem: morning
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success