नों थारैनो मोजां मोनमारोदा Poem by Bidindra Basumatary

नों थारैनो मोजां मोनमारोदा

लोगोफोरा बुंनाय बादि
आंनि गोसोआ गोजोनग्लायनाय
थारैनो नों आंखौ
जिउनि सानमारोदा?
माब्लाबा आं जिउ दिङा जाउनायाव
बैथाखौ बावबोयोब्ला नों
आंखौ नागिर नागिर गथायहैगोनना?
माब्लाबा आं सोरां गैयैआव थांसनब्ला
नों आंनो बनजार लाबोना गथायगोनना?
थार गुमुर नोंनि
आं खोनानो लुबैयो नोंनि
नों गोदै गारांजों
नाथायदि जमबायब्लाबो

गैया दासिम खोनादिया
नों रैसुमै गारां
जेरावखि जिरायामानो
जेरावखि दावबायाथों मानो
खालि मुस्रि नोंनि
आंनि गोसो रेटिनायाव।

Thursday, November 5, 2015
Topic(s) of this poem: romance
COMMENTS OF THE POEM
READ THIS POEM IN OTHER LANGUAGES
Bidindra Basumatary

Bidindra Basumatary

Bhatopara [13/04/1997] Panbari, Bijni
Close
Error Success