आंनि गोमानाय थैसाम Poem by Dhoni Ram Narzary

सान ओंखारजेननायनि
जारां सावगारिनि सावगारिफोरा
मोनफा मोनफा गाबनि गाब गानानै
मोखाङाव देवलनि आबिर फुननानै
नुजाथिफैदों बिसोर
आंजों हामफ्ला थिमफ्ला
जेन आंनो मिनिनायनि खरागसो होफैदों।

बेफोरमोन आंनि गोमानाय थैसाम।
बेफोर दा बबेबा अनथायाव नांल्दाबोबाय
बबेबा दुब्रि बिलाइआव सिरिबोबाय
बबेबा दैमानि दैजों बोहैखारलांबाय
बबेबा हाजो थिखिनियाव थाबथाबोबाय
आरो खायसेखौ दाउफोरा गावसिनि बासा बानायहैबाय।

दा आं बेफोरखौ
थरफा थरफा बुथुमहैलिया एबा खनथुमहैजालियाबो।
दा बेफोर बिलोआव ना गुरफैसै फालो फालो
बेखायनो बेसोरजों आं थरसे अनथाय बादिसो थायो।