उदां अख्रां नांगौ Poem by Bidindra Basumatary

हाथाइसालि बुहुम बिखायाव
खुग्लुंनाय हाद्रि-बालाजों
हमथेनांनाय गन्थं-खुगा,
जेराव बाग्लाबनो हागौ
गिलु-बालु बायदि बेराम ।
गावजों गावनो मिनिलायनाय
गोर्बोआव दाहानि थफला
मेगनाव मोदैनि मना,
जेराव गैया फाहामथाइनि सोदोब
जाउनाव, हाद्रि-बालाखौ फोजोबस्रांनो
नांगौ जादों उदां गंसे अख्रां
जाख्रिसे अखा हाना सिदोब होनो ।
नाथाय नंङा-
एसिड अखा लाबोना आबाद फोजोबस्रांनायनि,
बे अख्रांआ हाद्रि-बालाखौ फोजोबस्रांनायनि
गंसे उदां अख्रांसो ।
जाय गिलु-बालु बेरामखौबो फोजोबस्रांगोन ।
बेखायनो नांथारगौ-
बै उदां गंसे अख्रांखौ
लामा हान्थिनायाव हमथेनांनाय नङा गन्थं-खुगा।