आगै सेवालिनि फाइलि Poem by Ronjoy Brahma

हरावनो मिनि रंजानानै
हरावनो सिरिगारबाय नोँ
आं खोना मोनै सुदेम
हरनि हर गेजेरावनो
-
जारौ खारौखौ आं गोसोखाङो
मानोना नोँसोर रावबो नङा
बे हानिनो नोँसोरो
-
आं खोनादोँमोन आगै
नोँनि रैरुब मिनिनायखौ
नोँनि दान्दिसे रंजानायनि
दान्दि गुसुं रैसुमै खबामखौ
-
दिनै नोँनि फाइलिया
निहोर सिग्लाबना दं
थारैनो नोङो आंखौ नेदोँमोन?
आंदि फैनो हायाखै
सिमांआ आंखौ आख'-फाख' खालामो
-
आगै सेवालि-
नोङो मानो बिदि जाखो?
ना गसाइनि सावसो नांखो?
-
दाउसिन बेरे सिखिरिया बुङो
नोँहालायनो खुगायाव खौजेर गैया
आरो नोँनि गुसुथिया गोरानमारना?
-
नङा सयथिबो नङा
नोङो गोथार आगै सना
मानोना अन्थाइ बिखा
बेरे सिखिरिखौ नोङो मोजां मोना
-
आङो मिथिगौ मिथिगौ आं
हरसेबो नोङो नेनो हायाखिसै
नाथाय-
बेरे सिखिरियादि फैगोन!