बिखाजों बारलांदों अर Poem by Ronjoy Brahma

बिखाजों बारलांदों अर

Rating: 4.7

सालाइ फिलन फिलन फरायनो हायै खोमसियाव
आंनि बिखाजों बारलांदों अर,
लेलाय लेलाय बाब्राब नांदों
मुगासे सिमांबादि सानसुथिर समाव।

आंखालनि हासाराव देरनाय गथ' आं
थालिर गायजायै गामलासे दैयाव गबनाय,
आरो आं सिमां सुजुनांदों संग्राय गिजियाव
मायगाब जुजाय बेखायनो जावगार जादों।

रोहो रोहो अर आंनि उदैयाव
दाबोरसे मिनिनायनि जेथोआव,
थैबाय थैथारबाय आं बाब्राब बाब्राब
सोनाबनि इन्जुर सौसिबोनाय गरसे गुलिजों।

दं आरोबाव आं हान्थिनाय लामाजों
गोसोम बिलो प्रसान्त लैथोमा,
आरो खोनायो रकेट एटमनि दुगानाय
बेमा माख्रानि खबाम होथेनाय।

साना सोनाबहा हाबलांबोला
खोमसि जाबोसिगोन नंगौ,
सयथिबो गिबाय आंलाय आथिं फोलावनो
बनजार सुखांनो ना सांग्रेमा हमनो?

रोहो रोहो अर आंनि उदैयाव
गोसो जायो बेखायनो सानजा फारसे,
उन्दै समनिबादि सुमफ्राम फिथाइ खावनो
रंजानायजों आलो आलो हैयानावा गेलेनो।

Saturday, September 27, 2014
Topic(s) of this poem: poem
COMMENTS OF THE POEM
Beson Swargiary 15 September 2015

Tharwinw mwjang mwndwng nwngtangni nwngni khonthaikhwo...

1 0 Reply
Didwmsha Basumatary 12 September 2015

Nwngthangni sannaya tharwinw udang. Gwsw guar. Nwngthanga gwbang khonthai lirbai. Bijab Gang5sw jasigwn. Thabwinw bijab mohor hwywbla boro thunlayao gwkhrwi sinai jagwn.

2 0 Reply
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success