साननि दुंबुर खुदुमनायाव
खावलाय मोखां जाहाबदोँ बिनिया
आय' मा इसे समायना
गलापिनि महराव रजे
-
थारैनो गलापिनि गेजेराव
नोँनि गलापिसिन सना
नोङो दाबोराब रजे
थारैनो आं मोजां मोनो
गोगो गोजोँ नोँनि मेगनखौसो
-
नोँनि महर आरो देलायमांग्रिखौ नङा
आं मोजां मोनो
फुं आरो मोनाबिलिनि
नोँनि दखना गान्नानै मिथिँगा अनसायनायखौसो
-
सान्दुं गोसा दैज्लां मेसें
गोलोमदै गप्रुहोनानै
नोँनि मावनाय दांनाय
मेंनानै मेङै गोरबोखौसो
-
रजे नोँ थारैनो रैरुब मावफुंसुलि
आंनि गोरबो
आंनि जिउ आरो सोलेर
नोँ थारैनो मोजां मोनो
आं आरो नोँखौ।
This poem has not been translated into any other language yet.
I would like to translate this poem