हर Poem by Bidindra Basumatary

फेसानि गाबनाया
मोनानि समाव
सिगियो आंखौ हुरा-हुरा
माबा दाहा थानाय बादि मोनो
गोर्बो खनासेयाव।
.
बादालिनि आदार नागिरनाया
हरनि समाव
लाबोयो आंनो
थुलुंगानि थफ्ला,
गावनि गांजों
रिंखांद्राय सोदोबनि हेफाजाबै
नागिरो गावनि मैहुराव आदार।
.
सियालनि थाबायनाया
होफैयो मोनानि समाव
मेगन मोदैनि दाहा
उन्दुनो हाया जायो
फिसिनाय दाव-हांसोखौ नेबायना।
.
हुरा-हुरा आं गाबख्रावो
मावजिनि मेव मेव गाबनायाव
सुजुग लाबोयो खराग (बिदै?) गैयै।