थैजोँ बोहैनाय रमान्स Poem by Ronjoy Brahma

आखाय आथिँनि गान्थिफोराव
रायदावबायो सौग्राव सौग्राव
सुखुनि दुखुनि सान आरो हरनि
देँखो बोनानै गोदान आरो गोदान
~
गोजाम रादायखौ सिग्रोमनानै
बेयो गावनि मुस्रिखौ एरखाङो
दंनाय गैयै अन्नायखौ
आंनि गोरबोजोँ गोरोबनायखौ
~
बे थैया थै नङा
नोङो दै होन्ना बुंनो?
बेयो सिमांआव नुनाय नङा
अरायबो बोहैनाय बे रमान्स
~
खोल खोल गोजोँ दै बोहैनाय
नोँनि आंनि गेजेर सिमायाव
रजे नोँबो फैयो आंबो थाङो
बेनो आं लुबैनाय नोँ हास्थायनाय
~
अराय बोहैदोँ रान्नाय गैयै
आं सानाखै गांबासो लोँनो
एबा दुगैनो उसु-खुथुआव निन गैयै
रजे रमान्ससो बे जिउआनो
~
जिउनि मिनिनाय बेवहायनो दं
बाथिलनि जिँगायाबो बेव दं
आं नोँनि समायखौ फेलेँ खालाम
मानोना बे रमान्सआनो आंनि जिउमा
~
नोँनो मोदै आंनि
मिथिगौना रजे?
गोलोमदै गयो मेँनायनि
बे सोलेरानो आंनि मिथिगौ
बेनो थैजोँ बोहैनाय रमान्स।