बिमा/ अनजिमा गैयै सिमांनि Poem by Ronjoy Brahma

दोमैलु दोमैलु गोरबो नोँनि
सोराङा सोराङा मोखां
जिँगानि माला गान्दोँ नोङो
आयै बबि महर नोँनि
-
गोसोखौ दाद खालाम
गोसोखौ दासिफाय आयै
गंसे अख्रांनि गोजोँ गोजोँ हाथर्खिखौ
बिमा नायहरै नायहरै
मानो दाहा बोदोँ आयै?
-
जोँगोन अखाफोर आंनि अख्रांआव
आयै जोँथि-माथि हाथर्खिनि गेजेराव
दाखा दाखा जोमैया बुस्रांगोन
सोरांगोन आयै सोरांगोन
हांगार गोसोम खोमसि हरा
-
बिमा रुगुं गैयै लैथोआव
खोमसि खोमसि नावखौ दाजावसै
सेवारि थोरोबै दैसायाव
गांगा थफानि खुसिखौ सोर बाखोनायनो बिमा?
-
अनजिमा गैयै सिमांनि
सेर सेर हाद्रि नङा
बोरथिया बारजोँ फागुणनि
फिसाखौ रंजानो मानो होनो?
-
मिजिँ रनसाय नांगोन बिमा
उदांनि गोगो निहोरजोँ
लेँहरदोँ बयनिबो थिखिनियाव
सिफुं दामै फेरेँगा दाउआ देँखोआव।