खुदियानि मेथाइ/ निजोरा Poem by Ronjoy Brahma

हारां-हाथां रानस्राव हाजोनिफ्राइ
ओँखारबोदोँ आं निजोरा
बोहैलांगोन थांखिनि थुंगेनायसिम
रेगा गालांगोन जिउ मोनसेनि
-
लामानि अन्थाइ नाथ्रोद नाथ्रोद
बन्थ बिलाइ गोरान फोजाव फोजाव
बोहैलांगोन आं जांसि सौसि सौसि
सहैथारगोन लैथो गोबाहैनो आंदि
-
जोमै गावनाय अख्रांनि दै
आंनि खुसिजोँ जागोन लोगो
जिउनि लामायाव रोजाबगोन बिसोरबो
मिजिँ लाना जिउनि मेथाइ
-
रानस्राव हाद्रियाव फिसिलांगोन मोदै
रानज्रिँ आबादनो होलांगोन खुसि
मिनि खुसि बोहैलांगोन आंदि
बिलिर बिलिर बैसोमुथिनो होलांगोन जिउ
-
निजोरा आं हाजोनि
थांखियाव दोरोदा समाय आंनि
बोहैलांगोन लैथो हमहैनो
जिउनि थांखिजोँ बिखा फोर्दान्नानै।