सानसेखालि
दोमैलु फागुणाव
सिमलि बिबारा उरायहां उरायहांमोन
-
अख्रां नायदावना
उरां-फारां जानाय
मान्दारनि जाहाबनायजोँ सानफ्लांदोँ-
-
जोमै खामखौ दामदो खामखौ
बारदै सिख्लाया मोसाफैथोँसै
फिथा सिथाव जानो
न'निफ्राय बिहावनियाव
खारबोथोँसै दखना जोकथोँ जोकथोँ
-
खौऔआ रोजाबनाय मेथाइजोँ
थाइजौ मावलिथोँसै
खान्थाल मुसि सिरिलांथोँसै
-
दाउराइ जोला मोसानायजोँ
फागुणनि उरां-फारां गोसोआ
थाजिम जाना गोदान बोसोरजोँ
-
सिफुं सुयै सुयै औवा बिजौआ
बावखुंग्रि हाजोआव गाखोहैनो
अनजालिखौ लानानै मोसानो
-
एम्बु बंग्लानि जुलि जाथोँसै
आबौ हादि दग्ला दाउब गोरानमोना
आज्लं आज्लं नायहरथोँसै
-
फोथा लायै लायै
गलिनि थिमफ्रि मेना लावमुरामोना दुगैथोँसै
न'न' जोँनि गामियाव
उवाल-गायहेननि रंजानाय जाथोँसै
-
बाख्रि गोथौनि मायज्लिया
मिनिदावथोँसै जोलैनो
जोमै खामखौ दामदो खामखौ
मुलुग मिथिँगाया रंजाखांथोँसै।
This poem has not been translated into any other language yet.
I would like to translate this poem