बेन्दोँबारि गामिनि रजे चैनारिखौ
आं गोसोथोखोमायो
गोसोथोयो नालाय गोसोथोयो
रजे चैनारिया मिथिहैगारबाय
-
मोखां गुवार सान बिबारजोँ
बेखायनो
मोजां मोन्नायखौ आं रुजुवा
मोदोमनाय गुरै गलाब बिबारजोँसो
-
फागुण थांलाय बैसागु थांलाय
दैज्लां मेसेँ थांलाय
चैनारिनो लाइजाम गांसेबो हरनाय जायाखै
अदेबानि चैनारिखौ बावनोबो हमबायमोन आं
-
मैना खेलायाव थासिमलि खावो
नारेँखल फिथाइ थारुन बेदर
दाउ हांसो हाथारोब्ला बोरमा फान्था
जावलिया जावलिया सोरनि आखल जाखो?
-
जौसे रायजोनि गेजेराव
आंहासो नालिस होजादोँ
आंलायनो चैनारिखौ खावनो थांदोँ
आंलायनो खायदा बोराय बाहायनो उसुं जावदोँ?
-
महराव जेना आखलाव जेना
गामिनि बिदा बिबथै सोमोन्दो जानायमानि
रजे चैनारिखौ बयबो हास्थायो
आरो आंथ' बेसेबांबा हास्थायो
-
मिस चैनारिखौल' गिनाय आरो लाजिनाय दंमोन आंहा
रायजोनि गेजेराव थं गसंना बुंदोँ आं-
-
चैनारिखौ आं मोजां मोनो
नाथाय खायदा बोरायखौ आं बाहायाखै
जानो हागौ चैनारिया आंखौ हास्थायो
बेखायनो बेहा जिउआव सन्देह'
-
जौसेजन रायजोखौ आं फेजेनाखै
अदेबानि आंबो बिसोरनि गेजेन नङा
बेयो मा सिमां रजे?
नोँनि आंनि जुलिया माब्ला जागोन? ?
This poem has not been translated into any other language yet.
I would like to translate this poem