आबै गदायखौ Poem by Ronjoy Brahma

गंखु जानाय
बे हाजि बुरैया
माब्ला थैबावो?
मावनो रोङा दांनो रोङा
-
आबैया बुंदोँमोन- -
नोँखौ बायै बायैनो
आंनि सिंआ दमलांदोँ
नोँ नङाब्ला देरनाय नङानोमोन
-
''फाप नांगोन फिसौ फाप''
बुरै नोँनि बेफोर रावखौ
गोसो आरो मेलेमनि मुगायाव
आं फोथाया
-
थाफ्लि फैलाना खिबु खिन्था खिन्था
जंखायसे एदावसे खारनाय बंफांआव
बैफोरखौ अगाले मोनखाङो गोसोखांब्ला
-
लहाया जेसेबां गोरा
खेबसे देयाब्ला खामानि जाया
नंगौ आं मासे जुनारथारसो
आबै-आबौनि सोदोमस्रि आरो हारिमुखौ गारनानै