बारदैसिख्लाबादि खारसनफै रजे Poem by Ronjoy Brahma

दखना गोदान बुद्रु जायै
दिनै बोथोरा जोबोद गोरान
नोँनो बुंबावनांगौ गैलिया रजे
ज्राव ज्राव सिला बुंजासे बिलाइ गोरान
-
थार जेन्थोर फिदिँनो हानाय
उवाल गायहेन थिखोनो हानाय
बारदैसिख्लाबादि खारसनफै रजे
जोँनि खानस्रि खिनाय उसुंखौ बिलिरनो
-
थुबा थुबा सिमलि थुला
मुलुग गंसे बिरनाय हाद्रिखौ
दाम दुं सिफुं रिउ रिउ दामनानै
जेथो आसारनि गिलिर सान्दुंआव माय गायनो
-
आंनि लामा लांगोना लांगोना
लान्थि लान्थि खिबु जुहुनो बानजायै मुगासं
नोँ हासिब जारि जारि बिलाइ रोदोमहोफै
-
जोँनि उसुं खनायाव मेंहाबना थायो
आदुवा मेलेमनि गोबां गराय
लांगोनानि लान्थि बिफां दालाइयाव
दै गांहाबना थायो गुफुर दाउथु जरासे
-
आंनि अखोरांनि जोमै थान्दैखौ
नोँ फोजा लानाफै
बे गोरान सिलानि हाद्रिखौ
सुफुंगासे फोजोबनो
बारदैसिख्लाबादि खारसनफै रजे