दाउ खौऔ रोजाबो
जोँनि गोरबोनि गोरबोआव
आन्दो आन्दो जोबथा फागुणनि
गारां हगारो थाइजौनि थाइजौ दालाइआव
~
बैसागु फैयोब्ला जुलिनि देँखो
एम्बु बंग्ला थथा जाम्बिमोनहानि
फेफे रेफे रिगि रिगां
साखा फारा दैज्लांखौ बरायनो
~
फाग्ला ठाकुर आनान गसाइआ
जोँनि जिउ लामानि
हेले हेले रंजानाय समाव
जोँनि जिउखौ बावगारलाङो
~
खारखोमानो लामा गैयै दाउदैयाव
ख' ख' खाङो जोँखौ
जेरैबो खारखोमानो हायै
उदांखौ मोनमाराखै जोँ अबं गसाइनि
~
जोँ मिनियाखै-
मिनिनायखौ नुनानैसो मिनिदोँ
सोरजिगिरिनि बायदि बानसा सोरजि
गोमोथाव बेसेबा गोमोथाव
~
बेजोँ फैयो जोनोम
बिनिफ्राय बेयावनो देरो
बिनिफ्राय जोँखौ लानानै थाङो
फाग्ला ठाकुरनि जोँ उदां नंथारा।
This poem has not been translated into any other language yet.
I would like to translate this poem