ओरैनो बुंनाय नङालै Poem by Ronjoy Brahma

गोथाव म'म' सोबनानै
सिगारेड् गज'खौ गाफ्लेनायावबो दाय दं
सास्त्रनि बाथ्रा बेफोर
-
ओरैनो बुंनाय नङालै आदा
खन्थाइगिरिफ्रा लाजिया फांजिया जावखायो
हरै सोनाबनि बाथ्राखौथ'
बोयै बोयै लाबोनो नांलिया
-
हाथर्खि सान्नाया आदुवाब्ला
नांगोलनि आन्थोर सान्नायाबो बेनोथार
ज्रोम नारेँ खाजिजोँ- -
फार्टि जानायाव मालाय दाय गैया?
मोदैजोँ आलौनायजोँ बेसेबांदि- -
-
मैजोँ गाखोलांनो- -
ना सुइस सेरगासिनो
थिन थाला बिल्डीँ बारलांनाय लिपजोँ- -
-
नोँसोर लागोनि बान्दो खर'नि
स्लुइसजोँ- -
गंगार हाजोनि दै दाहारखौ
बाला बारिजोँ नारखे हरब्लाबो
नोँखौ हाथारनाय नङालै आं
-
बेखायनो- -
नोँनि गोसोलै आदा
नोँनि बारिनि लावथाइखौ
नोँनि गोसोबादिनो फानहर
जेसेबां बेसेनाव फाननो हायो।