अखाफोर थैबाय Poem by Ronjoy Brahma

खानस्रि गोमोथिँनि
सिफुं जथा दामनायजोँ
सोरनिबा सोरनिबा दला नाग्रा
ओजोँ सांग्रेमानि होँगो दोँगो
.
हरथौबाय माबार माबार
नङाब्ला सोरांथारगोन होन्नायबादि
मानोना जेसेनो हर जायो
फुंआ खाथियाव फैयो
ग्रद ग्रद हंख्रददोँ बिसोर
.
अलसियाखायनो
फाथो मायसा दांनाय
रयना हासिनि बुद्रुनायनि सिमां
दानुथोँ दानुथोँ सानथारो बिसोर
.
ओजोँहाय आसि मोनफ्रोम
दैज्लांनिफ्राय मेसेँसिम हिसाब
नाथाय जेथोनिफ्राय आसार
फागुण बैसागुसिमबो
आसियावनो सानगासेल'सो
.
ओजोँ फैयो थाङो
आरो फैयो थाङो
स्नि सानखौनो सानबाबो सानख'नो हाया
आरो जिग्रोद घड़ि खाटाखौबा
बेसेबां नोजोर होनो?
.
अखाफोर थैबाय
खोमसियाथ' खोमसिखासै
सोर फाग्ला सांग्रेमा हमनो?
सोरां नागारनाय बाथि गंसेखौबो
बेसेबां नागिरो-
.
गाग्रोम लांदो हायोब्ला
मैदेर खाना जेरै
जेरैहाय एम्बु गाबो
दै गरथसे मोनलोङो खोमा
एक दुइ थिन-