बे सैनायखौ नुब्लाथाय
मिज्लौ मिज्लौ
नायफ्लांबाय थायो आं
नाङा-फाङा माब्लाबानिफ्रायनो
-
सल' लिरनोबा
सल'बो लिरजासिगौ
गोरबो उदां
गाजा सल' रमान्टि अजाफोरनो
-
नुनायावनो नुनायावनो
अनजालियाबो हमनो मोनबाय
आंलायनो गावखौ गोसो थोयो?
नङाबा बांसिनै मानो नायनो?
-
''मोजां मोनोबा
बुंनानैला जाम्बा
बिखा गावगोनबो! ''
बेबादि बुंदोँमोन बियो
-
समखौनो मोनाखिसै आं
माब्ला बुंनो?
गावलाय गाव-
बेबा मा सानो आंखौबा?
This poem has not been translated into any other language yet.
I would like to translate this poem