दुखुनि अनजिमा गैलिया
नाथाय दाहाजोँ सुजुनाय
दुखुथियानि मेथाइयादि बेसेबा गोदै
बिखा उब्रिना गोरबो सिंखावनाय
-
जोनोम जादोँ सोरनिबा बासायाव
सोरनिबा खांनायजोँ देरदोँ
नाथाय जायजोँ जेबो सोमोन्दो गैया
बेजोँ सानबेसे सोलिनो?
-
बेखायनो मेथाइया दाहानि
हांमा हांसानि खौसेथिनि
बैसागु सफैयोब्ला
रंगिना सोमखोर गोदान बोसोराव
-
अब्लाबो खौऔनि मेथाइया गोमायो
थिँ थिँ आसारनि सान्दुंआव
जेथोनि मुखुब हाबायाव
-
जोँ बावलांफिननो सतबांसा
बैसागुआव होनाय लालायनायखौ
आरोबाव फिन हांख्रायो बेखायनो
गोदान बैसागुखौ
This poem has not been translated into any other language yet.
I would like to translate this poem