बर' हारि: जोंदि गोथां आरो गेरेमसा Poem by Ronjoy Brahma

जारिमिना खिनथानो हायै समनिफ्राइनो
खुगा खुगा थांनानै थाबोनाय
जोंनि जिउजों सिथाबफ्लेनाय बर' राव,
बेसेदि गोदै आय' आंगो बिमानि राव!
बर' राजा राजा महाराजानि बेसेबा गोबां मुगा थांबाय,
नोंनि बैसोआ बेसेबांदि जाखो बुंनो हाया।
बे रावआ दिनै भारतनि संबिजिराव गनाय जानाय राव
आसाम रायजोनि लोगो राव।

आबै-आबौ, गुरुदेब आरो बड'फा
रोजा रोजा बर' फिसाफोरनि नाजानायजों-
दिनै रावजों हाबा मावनायजों गेरेमसा जाबोदों जोंनि बर' हारि।
दिनै बर' बिमानि बे रावखौ
मुलुगाव जेरैबो गेवलांसार होनायनि सम,
बेनि थाखाय नाजानांगोन-
नों आरो आं दैदेनगिरि, फरायसा, साफ्रोमबो बर' हारि-
आरो जोंनि इयुन जोलैफोर।

जुजिनांगोन सोरबा जोंनि बे रावखौ हेव खालामोब्ला
हारिनि सायाव मुगैनाय गादबनायजों
जेसेबां राजखान्थि खैसार फैयामानो,
राजखान्थिनि जोंनाव सोलोंथाइ थानांगोन।

दिनैनि बे बिजिरलु मुगायाव,
हारि-दोहोरोमनि दावहा आरो गादबलायनाय-
फोजोबस्रांनो नाजानाय बिगियान जुनथिनि मुगायाव,
जों बर' हारि जानानै थावरिनांगोन।
दोहोरोमखौ लानानै रावसानि फारागथिखौ लानानै
मुगैनाय एबा बोराबनायखौ नागारनांगोन,
गावजोंगाव दानदिसेनि एना-एनिखौ नागारनांगोन।गोसोआव गोहो लानानै गावनि हारिमु, आरिमु, दोहोरोम-
लिरनाय फरायनाय जेरावबो रायज्लायनाय-
बर' रावआ मासि मोनथारनांगोन।
जों साफ्रोमबो बर' रावखौ गेवलांसार होनो
बोगदाद गोहोगोरा जेरावबो जानांगोन-
हारिखौ सिनायथि होनो आंगो हारिमुजों,
थुनलाइ, सोलोंथाइ आरो राजखान्थिनि जौसां
मुलुगाव जेरावखि थाङा
आरो जेरावखि थायामानो बर' बिमानि राव रायज्लायनांगोन।
बर' हारि: जोंदि गोथां आरो गेरेमसा,
मुलुगाव जों बेसेबांदि गोहोगोरा आरो खौसेथि-
जोंनि बर' हारिनि सोदोमस्रि आंगो सिनायथि होनांगोन।