हारसिँल' दारंजासै अनजालि Poem by Bahadur Basumatary

अनजालि.........
आंनि गाबनायखौ नोँ खोनादोँब्ला
आंनि दुखु हांमाखौ नोँ नुदोँब्ला
दाथासै सिरि।
हाजासे दारंजासै हारसिँल'।
हेफाजाब हो
हाबाया मावलां अनजालि,
आंबो रंजानो हाथोँ
आंबो थांनानै थानो हाथोँ।
अब्लासो रिँखांगोन
नोँनि आंनि गोदान संसारनि
मिलौहाब गोरोबनाय गोदै देँखो
रंजानाय मिनिनायनि मेला।
नाथाय रंजायोब्ला नोँल' बे जिवाव
दावबायोब्ला नोँल' सनानि लामाजोँ
आंनि जिवा अराय दुखुजोँनो गोमालांगोन
गाबनाय गोसोया गाबबाय थागोन।
बिनिखायनो अनजालि.........
आंखौबो रंजानो लामा हो
आंखौबो दावबायनो लामा हो
आंनि गोसोयाबो गोजोन मोनथों गोजोन बारजोँ।