आय' दैज्लां Poem by Ronjoy Brahma

आय' मा इसे सुनि दैज्लां
जेव जेव अरखनाय आफा
खुथाब खुथाब मावनांनाय बोथोर
नङा नङा नोँखौ सुनि बुंजाया
दैज्लां फैयाब्ला रसा नाङो आबादारि
हालाय हाफाय जायो आंबो
दैज्लां फैयाब्ला थायो खरान ।
आय' दैज्लां लाबोयो बाना
लाबोयो अखा दामब्रा
गिजि आंनि देराया अखानि थरथिँ
न'थिनि गोथौ गरखाया दैजोँ बुङो
दालां गैयै जाम्फैया दाहार जायो ।
आय' दैज्लां थाजिम जायो मिथिँगा
सोमखोर महर लायो लाइफांआ
सिदोमा जायो आंनि गोरान गोरबोआ
आय' दैज्लां थैहाब एम्बु बंग्ला
फोजायो नोँनो सास्रिना अखा ।
आय' दैज्लां फै फै नोँल'थारसै
उदाय रोँला अलसिया बर'फ्रा
फोजा फैदो हाल हरननो
गैया रोङा बर'फ्रा नङाब्ला
गांलाब गांलाब रां साननो
लुफाव अखा बोहै लाबो दैज्लां
सिरि मोन्थोँ खोनासङै
दाउज्ला गेसेरनाय
जायै लोङै उन्दु गादुरा
अलसिया बर' माहारिया ।