गिखांबाय आंलाइ Poem by Ronjoy Brahma

(1) आयौ आयौ गिखांबाय आंलाइ
नै सोमावग्लुंबाय 'बड'लेण्डखौ'
अन्थाइ महर अन्नाय गैयै
बमाया
खोमा माथुब्लाबो आगोर
मोनलिया
गोसो हमथाब्लाबो बिखाया
मावगालिया ।
(2) राहा गैलिया बबेवहाय
थाबावगोन
आगोर नागिरब्लाबो
मोन्थारलिया माथो?
हाथाइयाव थांनो सान्दोँ-
नै दाफै खारफिउ दं
लामायाव फाख्राफोर
खारबाबो थाबथागोन
गबना थैनि बिलोआव ।
(3) न'नि लांगोनायाव
बुरलुंबुथुर दैमा
बिफां सायावनो थानो
अरायबो हारसिङै
सोरबायदि बेयावनो
आलो आलो
जानाय नङा बारहुंखा,
अखा दामब्रा
ओँखार नङाब्ला
रुवा फोनांनोसै ।