थाथेरनाय गैयै बार
दिनैनि बे बुब्लियाव,
सुबुंआ जिउखौ लानानै
सानस' हायै मानिबा
आगोर नायगिरदोँ।
सुबुंनि बे बादि
आगोर मोनि जानायाव
आंनि मिनिस्लुनाय मानोबा
गोमादोँ।
आं हमदांनो हायाखैदि
मानि जिँगा जादोँ;
मानो रावनावबो मिनिनाय गैया?
सुबुंनाव बाहागो लाफैनाय
जोँथि मेगननि निजोराया
बुजि मोनहोआखिसै आंखौ।
मिथिस्लाबाजासे आंनि थायनै मेगनजोँ
बोहैबोनायसै गोजोँ निजोरा।
गोसो-गोरबो बिखा
खामग्लिलांदोँ दोहो दोहो!
राव गैया जासे बोहैदोँ
दाहानि मोदै;
थिवरिया मेगन गोसा
सुबुंनि
होज्रिख्रावनायावसो
बुजि हादोँ आं
सुबुंनाव मानि थाखाय
मिनिस्लुनाय गोमादोँ।
This poem has not been translated into any other language yet.
I would like to translate this poem