दिनैनि अलखद समाव Poem by Ronjoy Brahma

दिनैनि अलखद समाव
गाबदोँ बर'फ्रा-
मिथिस्लाबै मावदोँ गोरोन्थि
जोँ बर'आनो-
आबौ कालिचरण नोँ
बहा दंखो?
आफा थपेन (इउ एन)
नोँ बहा थांखो?
आदै फ्रमद ब्रह्म नोँ
बहा गोमाखो?
गैलिया लेँहरफिन्नो
गोदै गारांजोँ
जोहोलाव निलेस्वर ब्रह्म ।
गैलिया सालायनो MLA, MP
आयं रुपनाथ ब्रह्म,
गाबस्रावबाय दिनै बर'
फिसाफोर ।
थिन्दोमोन जोँखौ आमाय
सतिश चन्द्र बसुमतारिया
'जा हाबाब' होननानै ।
गैलिया आदै निलकमल ब्रह्म
उदांस्रि सोमावसारनाय
सुंद' सल' लिरनो ।
मिथिगौ आं आब'(मेम)
अनजुआ जोँनि सायाव
'आर'ज' खन्थाइ होनायखौ ।
आदा प्रमद बर'
नोँल'सै आथिखालाव
जोँनि मोन्थाइखौ बिखनो
भारत सरकारनियाव ।
आब' बिरगोस्रि
आब' गाम्बारि
आब' थिँफाख्रि
बिसोरनि थुंग्रिया बौथुवा
जादोँमालाय मा जानो?
रानाखै रेबगननि कालि
फोरोँगिरि-
ब्रजेन्द्र ब्रह्म
जनिल ब्रह्म
मंगलसिँ हाज'वारि
अरबिन्द मोननि ।
गोमोराखैना-
उपेन ब्रह्म आफानि
'बिग्रायारि बर' आं'
गोथां कालिनि खन्थाइया ।
आरो दंबावो-
सुरेन्द्रनाथ ब्रह्मनि 'सिखांदो'
जलघर ब्रह्मनि 'जाखांदो'
फोजाखांनाय खन्थाइफोरा ।
मुंख्लं बिनेस्वर ब्रह्म
बिहुराम बर'
जहलाव दैमालु
सुजित नार्जारि
सोर बावगारगोन नोँसोरखौ?
बड'पानि-
DIVIDE ASSAM 50/50
जेब्लाबो रिँखांगोन...