रैखागिरि (गुरुदेब) Poem by Ronjoy Brahma

रैखागिरि (गुरुदेब)

संसाराव गिदिँ गिदिँ
मेँनाय बानाय गैया जासे
जाफुंहोलांबाय बाबा नोँ
नोँनि गोथार थांखि मिजिँखौ ।
फोनानै गालांबाय बाबा नोँ
बुहुमाव
गोथार सैथो अहिंसा
परम ब्रह्म घोरोमखौ ।
रैखा खालामलांबाय बाबा नोँ
खोमसि मुलुगाव
आन्दायनाय बर' हारिखौ ।
नोँनि गोथार सोरजिनाय
ब्रह्म घोरोमनि लामाजोँ;
सोरांनि लामा दिन्थिलांबाय बाबा नोँ
बे बर' माहारिखौ ।
रैखागिरि बाबा नोँनो बर' हारिनि
नोँनि अननाय
नोँनि बिहोमा
जोँ बावनाय नङा गुरु
थागोन अरायबो नोँ
जोँनि गेजेराव
हार्थखि जाना मिनिबाला
गुरुदेब महरै ।

2012, मार्ष

Sunday, July 20, 2014
Topic(s) of this poem: Poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success