Ronjoy Brahma

Gold Star - 8,819 Points (02 -11-1994 / Roumari (Amteka) /Chirang/Assam)

जोँनि गामियाव खौरां - Poem by Ronjoy Brahma

सोर खिन्थायो
बोहैनाय दैया
माब्लाबा थाद'यो-
एम्बु बंग्लाया अखा लेँहरो..
जोँनि गामियाव थिखोयो
लावथि बिनि बिखुंआव ।
गामिनि साहा अरनबारि-
जोँनि गामियारि
सिखार बेवहाय बेदरनि
समायनाय जे जे
दाउस्रि हाजे गयबारियाव
थख्लायो एरख्लायो गामियारि
गावख्लायो लबार बाथुलजोँ ।
खोनायाखै दिन नै दिन फरायग्रा
रादाब बिलाइ खौरां
सानसेयारि सानस्नियारि
रादाब बिलाइयाव
ओँखारबाय जोँनि गामियाव खुगानि खौरां
थाखोमानो हायै गिख्रंथाव
बिखा संफ्ल बोफ्लंनाय ।
नुजादोँ बड'सा, बड'लेण्ड सानस्रि
रादाब बिलाइयाव
सोरनिबा देरहासाद खौरां
नङा बेयो. माबोरै जानो?
जोँनि गामियाव गावजोँगाव ।
खालामगोन हाग्रायाव
सिखार
जालायगोन बाहागाव
एसे-बारा ।
खामानि-दामानियाव-
सोलाबाखै, मोनजायाखै
मा जाखाबायदोँ;
मोनादोँना, सोरांदोँ
मिथिया
सोरनिबा न'आव सानफा-हरफा
जोँख्लोबदोँ बोलादोँ
फैसालि
बेनो आखुसै ।
बाङालि बोरायनि बिड़ि
बिहारी बोरायनि हंखा
लुन लुन खुनाय
उखुन्दैनि फेम्पा
जोँनि गामियाव
जेनेरेस्न बाय् जेनेरेस्न ।
आं होफथानो..
ना?
नोँ बादा होनो?
हानाय नङा आं
हानाय नङा नोँबो
मोनगोनबो लागामा
हाथाइ गागोन
नोँनि जायाखै आं
नोँनि सोबाखै ।
सोरनि हाबा जादोँ?
सोरनि सावरि जादोँ?
थौ थांनि...
जाथारला खर'आ,
....
मा खर'आव नाङा
मेलेमाव हाबा
खाबसे खाबनै बेलाइ?
लाबो दाबखाया बेसेबां दं?
मा हाथाय नाङा
उदै नाङा
दरसे दरनै बेलाइ?
लाबो साराइया
लाबो थौआ...
गोदावनोसै नायदावनानै
बोफ्लावनोसै हाराना
बिगुर
उनथाराव सिलिबब्ला
फिउ साराइ,
नांबाय खर'आव एम्फौ
बायनोसै सियार, खामफ्लाय ।
फै आबौ लेँग्रानि
आबै खुरियानि
बोरमा खावनो
सोर लवार आसाम
सोर जेलखानाखौ
नुहैग्रोयो...
फै सोर जुलि जानो हाग्रोयो
जिउनि गोजोनायखौ
सोर मोनग्रोयो बादिलायनि.....
सोर गुरुदेब
सोर बड'फा
सोर यीसुकृष्ट
सोर गान्घीजी
बिसोरनि जिउ जारिमिनखौ
जोँनो मानो?
इसोर होन्नाय गैया
गिदिर उन्दै समान
जानो गोसो जा
लोँनो गोसो लोँ
गाव
गाबागाव
आदा
बुगाव ।


Comments about जोँनि गामियाव खौरां by Ronjoy Brahma

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Monday, July 21, 2014

Poem Edited: Monday, July 21, 2014


[Hata Bildir]