दोँसे सल'नि सैनाय Poem by Ronjoy Brahma

अह मोकथांआनो जामारबायसो
जायखौ लोगो मोन्दोँ
अह बिदिब्ला नंमारगौसो
जायया आंनि सल'नि सो रानिमोन ।
बावथाराखै आं दाबो
गोजाम जालांनाय लेखा बिलाइनि,
आखल-आखु
थानाय रायज्लायनाय
आरो
आरोबाव
लाखोमा हायै
खावलाय रुगुंनि सबाय बिमाया,
हानायमोन जारौ रौ साथिनाय
नङाब्ला
बिखानि बै-
आय' अनजालि बबेनि जाखो!
सोर नोँलाय हायना सारनाय?
जाय सल'आव जावलिया खालामो...
गोसो हमथा हानाय
जोहोलावफोरखौ
नंगौथ' सैनाय नोँनो,
आंनि गोसोआबो जादोँ
मानोबा मिथिमोनै
हां थोनो थोनो
मानोबा नोँनिसिम
थांहां थांहां ।