गोसोआ आंनि साइराब Poem by Ronjoy Brahma

मा एसे समायनामोन!
मुं मिथियै दिनैनि बै...
बारग्लांनाय
फुंनि समाव,
जाय गेवलांथारनाय बिबारनिसो
समायना मोदोमफ्रु महरनि ।
सान हाबनायनि सिगां सिगां
दङ आंहा
आंगो महर मोनसेनि
आरो
गावनि देहाखौ गोख्रोँ खालामनो,
बाथारदोँमोन आं बेखौ
सान्दोँमोन फेलेँ खालामनो सानसेखौ
मेगनाबो सानाखैमोन मोसेबनो ।
मुखुबथियानो आंनि जिउ
बावसोमनाय-होसोमनायानो आंनि
जोनोम मोनसेनि दान,
बाथारनाय आगानखौ बबेजोँबा
मानबाय मानबाय फोहैबाय गोबां ।
समा नङा अरायथा
जिउ मोनसेयाबो नङा
उदाङै दिदोम
बार बायदिसो बुबथिँजानाय
मिथिगौ आंलाइ मिथिगौ ।
सानसे मुखुबखौबो नेवसिबाय आं
फैबाय गिदिँ गिदिँ समायना
गेवलां-गेवथां मोदोमफ्रु
बिबारनि लांगोनायाव;
गोसोआ आंनि साइराब
आय' मा सुनि बिदिन्थाया
नुआखिसै आरोबाव आं
लरहायलांबाय मानिबा थाखाय,
आय'...!
गोसोआ आंनि साइराब ।