बुंस' हाया..! Poem by Ronjoy Brahma

बुंस' हाया..!

Rating: 3.5

जानो हागौ आं गावखौनो-
गावनो गाव दुखुथिया साजायो
बे सावगारिया माबा फेहेरदोँ?
सोरनिबा मिनिनाय रिँफैयो खोमायाव
सिरि सिरियैनो आं मिनियो ।
गोरबोआव सोमोनांनाय अनजिमा गैया,
आंनि रंजानाया बबाव गेवखो?
आंनि मिनिनाया सोमोनांथाव
बेबादिनो आं मिनियो लोरबां देहायै ।
अखाफोरनि निहोरजोँ आं गोजोनदोँ
थाथिर गैयै गोसोआ साननि दुंनायजोँ
नाथाय खोमसि रहस्यजोँ
बुंफबदोँ गोरबोआ
बायदि आखुनि सानस्रियाव गोजावना
लैथोनि गोरबो बिखायाव
थांना दं आं लोरो लोरो दिन्दाङै
थास' बिलाइनि बिखायाव ।

Wednesday, September 10, 2014
Topic(s) of this poem: ART
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success