आयनि थाखाय Poem by Ronjoy Brahma

आयनि थाखाय

दिनै रिँदोँ आंनि खोमायाव
बड'फानि गेबेँ होख्रावनाय
DIVIDE ASSAM 50/50,
आवगायगोन दावगागोन लामायाव
जोहोलाव नीलुनि गोदै देँखोजोँ ।
आं नेवसिगोन बमा बारुदखौ
सिलाय आरो गुलिखौ
जाय्या इनायै
बर'नि थैजोँ सोमखे जाबाय ।
आं जायखौ गोसो गोथारै
थैस' मोजां मोन्नो नाजादोँ
बे जादोँ आंनि आय
बे जादोँ आंनि बिमा हादर ।
दुखुआव खोनासङो आं
जिरि जिरि बोहैनाय हांमायाव
संखस आरो सडियानि,
आरोबाव
नायहरो बिखा हमनानै
गुरलाब दाहार दोहौआव
आलाय सिलाय बर' फिसा
सानस्रिख' हायै गोजावनायखौ ।
आं दलां गंसे फिसानि थाखाय
आं लुगोन देरा आयनि थाखाय
आं खोगोन लामा गेबेँ
आन्दायनाय हावरिया बर'
फिसानि थाखाय ।
गोथार फोथार
गेबेँ सिला
नायहरो नायहरो आं
नोँ फैगोन जोँमा सोरां फुंआव,
गुसु निहोर बिखायाव गोबानानै ।

Monday, October 13, 2014
Topic(s) of this poem: POEM
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success