आं हागौ सानबायनोल' Poem by Ronjoy Brahma

आंबो खन्थाइगिरि गाजा
सिरिमोनगोन नोँ थारै...
बुंब्ला आं सानजा सानजा,
नुहरगोन नोँथांङा आंखौ
थाबायलांब्ला सिरियै फोजा फोजा।
आंनि न'ब'थिया लुजायाखै
थांलाय-फैलाय राजा लामानि सेराव,
लुजादोँ जारमान दुफबनाय
गोरान दावसा मोख्रेबनि गेजेराव।
सानो आंबो रावबो फैयै बे
दावसा मोख्रेबनि गेजेरावनो
अखोरां नायदाव नायदाव
जोमै खुवा सिँखावलांनो।
आं थाबायनो दाबो लामा गैया
लेवा बेन्दोँआबो आंखौ नागारनाय गैया,
बोरै फिनज्राब बारहरनो आंलाइ
गैया गैया, जेरावबो सुज्राइ,
आं हागौ सानबायनोल' हार्सिँ
जारमान दुफबनाय लेवानि जानानै सिँ।
अख्रांनि जोमैयाबो आंखौ रायदावफैयो
दाउसिन दाउलाफोरा अरायबो लेँफैयो,
आं नाजायो जेब्लाबो बार'ननो-
बोलो फोरा फोरा
बिसोरबो आंखौ दैज्लां मेसेँ हगारा।