माखौ लानानै आं थांना थानो? Poem by Ronjoy Brahma

दाखोर दाखोर जेरैबो
हावासिनि दरसे सायख्लुमावबो।
आथिखालाव सुबुंनि गोसोआव मैला
नागिरना मोनो जेरैबो खना-खनला।
थिख हे गसाइ!
आंनि गोरबोआवबो साबफादोँ जेला
नै गसाइ! हर जोबस्रांनाय जानला।
माखौ लानानै आं थांना थानो?
मिजिँ ना थांखि
सिमां ना मोकथांखौ
ना थांनो.. देहा-सोलेर लानानै?
हे गसाइ!
हर आंनो लैथो मोनसे
जेसे हायो आं थब्लनि
जिउ जोनोमनि ओँथि नागिरनि।
हे गसाइ!
आंनि फाफखौबो बेयावनो होदो सुस्रांनायखौ
आंनि गोरोन्थिखौबो बेयावनो होदो सिनायनो।
हे गसाइ!
नोँखौ इसोर सिबिनाय
नोँखौ लोगो सिनायनाय
बेनो आंनि जिउ बावनायब्ला
हे गसाइ!
सुबुंखौ अन्नाय
जिउ जिबिखौ मदद होनायाबो
आंनि देहा-सोलेर बावनाय।
हे गसाइ!
माखौ लानानै आं थांना थानो?
नोँखौ सिबिनानै आंनि जिउब्ला
जिउ-जिबिखौ अन्नानै आंनि घोरोम
नोँनि थाखाय जिउ होनानैब्ला
जिउ-जिबिनि थाखाय देहा-सोलेर।
हे गसाइ!
नोँ गासैनिबो देरसिन बिजिरगिरिब्ला
आंनि बरादखौ बेखेवदो नोँ
माखौ लानानै आं थांना थानो?