मोनसे गोदान फैसालि Poem by Ronjoy Brahma

बिजुलि साथि आरो आर्टिँ मानलानाय जोँथि-माथि समायना सायनासालि।
गमामा मोनसे गोदान फैसालि बियो,
गोमोथाव मोनसे गोदान फैसालि।
सिथर दुगाया मासे अमाखौ बोनानै लाबोयो,
गावनि जानजियाव खानानै लायो।
फाफ्लियाव बान्नाय रुवाखौ मोनामसु होयो बियो,
गन्थंआव मोनामसु होयो।
जानजियाव खानानै लानाय अमाया बिखौ बोयो,
सिबाय अमाया गिनानै खारनो बोलो होयो।
थिथि गोरा बोबथायो सिथर दुगाया,
थोँ थोँ गावनि आथिँखौ हाथाइ अरखे लायनाय हायाव बोलो होनानै गाबथायो।
फाखो मोनसे अमाया खारदिङो,
मोनसे बिजिरख'नो हायै रंजानाय आरो मिनिनायनि गलाय-गथाय मोखांजोँ।
नारा-नाथा नारा-नाथा रुवाखौ मोनामसु होनो नाजायो सिथर दुगाया।
बेबादिनो नारा-नाथा मोनामसु होनो नाजायो बियो।
बुदांआ फैनानै बिखौ नायै नायै मिनियो,
जेसे हागौ एसेनो मिनियो आरो मिनियो।
अख्रां नायदावनानै मिनियो बियो,
उन्दुनानै मिनियो बियो।
खांग्रांनानै आरो मेमब्राय मेमब्राय मिनियो।