गय-खान्थाल-थाइजौबारिया
थुरि-लावख्रि-सालबारिया
समायना-रमायना जोँनि गामि।
माय-फाथो-गम
सबाय-बेसर-दालिया
गायलाय-फुलाय जोँनि आबाद।
खाम-सिफुं-सेर्जा
बेबुं-जथा-जाबख्रिँआ
मिलौहाब मिलौदो जोँनि दामग्रा।
आर'नाय-गामसा-दखना
जोमग्रा-फास्रा-साद्रिया
जोँनि समायना हारिमु।
समाज-हारिमु-रां-राजखान्थि
जिउ सानस्रि-जारिमिन
जोँनि समायना थुनलाइ।
आजै-आजौ, आदा-बाजै
आय-आफा, आदै-मादै बायदिया
जोँनि अनलायनाय सोमोन्दो।
नांगोल-जुंगाल-मै बायदि
बेदा-हासिनि-खदाल
जोँनि नखर हाथियार।
जेखाय-खबाय-फल'-खखा
सेन-रासो-दाङानाथा
थार-जेन्थोर बायदि बायदि
जोँनि नखर अराय लोगो।
जोँ राव रायज्लायो
चिन तिब्बेत् फोलेरनि,
जोँ बर' माहारि
गिदिर मंग'लियान फोलेरनि।
नांगोलाबो जोँनि हाथियार,
कलम-रेबगनाबो जोँनि हाथियार,
थुनलाइ समाजआनो जोँनि सिनायथि
हारिमु सोदोमस्रियानो जोँनि सिनायथि
जोँ माहारि जेबो गोनां।
This poem has not been translated into any other language yet.
I would like to translate this poem