गोरबो इसिँनिफ्राइ -105 Poem by Ronjoy Brahma

गोरबो इसिँनिफ्राइ -105

फेँफोना बादि गोसोआ खुसि खुसि
सिखांदोँ आरो गोमोरफिन्दोँ
जोनोम जादोँ आरो रुंसारफिन्दोँ
अ' आफा गासैखौबो आंनो नुदोँ
-
आंनि मेगनाव बे रैरुब मुलुगखौ
समायना नुयो आफा सोमोनां
नोँनिनो सोरांआव
-
आंनि मोन्दांथि गुणा आंनि नङा
मिथिगौ गिरि मिथिगौ बेयोदि नोँनि
-
खोमसि हराव आं अर फोजोङो
गांहाबनाय समाव दै लोङो
मिथिगौ गिरि नोँनिदि बेयो आंगो
-
नै जोँमा गिरि गोरबोनि
सथ'बो दिनै आफा आथिँआव नोँनि-
गोरबोजोँ बिखायाव आर'ज गाबो
सानजा मोखाङै आखाय खबजबो।
-
26/03/2015
गोजोनफुरि, लजिँ

Saturday, March 28, 2015
Topic(s) of this poem: prayer
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success