गोरबो इसिँनिफ्राइ- 136 Poem by Ronjoy Brahma

आंनि लोमजानायखौ होनानै
नोङो आंनो गाबनायखौ दाहो
नै फोजोबगार बेखौ हांआव
-
नोँनि मिनिनायखौ हास्थायनानै
आंनि गोजोनखौनो आङो लानानै
नै नोङो होदो नोँनिनो आखायजोँ
-
दिनै लोरबां जानानै गोग्लैयो
आङो थायो नोँखौ नेनानै
नोङो फै नोङो फै दिनैनो
-
हाद्रिजोँ जुजिनानै हाद्रिखौ फेजेन्नानै
लांफै गसाइ लांफै नोङो
जिउखौ बाराव लाना थांफै
-
ॐ रिँनाय गोरबोनिफ्राय देँखोआव
बेयो नोँखौनो गाबज्रिदोँ लोगो
नोङो फैदो नोङो फैथारदो
आंनि गोग्लैनायखौ बानना लांदोँ
-
नै लोगो फाफ्लियाव बाननानै
आखाय आखायाव दैनानै
लांफै नोङो लांफै दिनै
-
ॐ कार रिँनाय देँखोखौ
रैसुमै दाउसिनफोरा खोनासङो
नै गिरि जिबिफोरा रोजाबो
फैदो फैदो गसाइ नोङो
-
सानजा रोबैजोँ ओँखारबो नोङो
मिनिसुलु जानानै फैथारदो
आंनि गाबनायखौ सावस्रेमनानै
होदो लोगो नोँनि गियानखौ
-
नोँखौ गाबज्रियो बाराव रिँहोनानै
नै गिरि दैमायाव बोहैहोनानै
गले गले गोरबोआव ॐ कार रिँसारथिजोँ
-
दिनै बे आंनि मरा जानायखौ
सोलेरजोँ गोसोनि सुथुरखौ
फोजोबै फोजोबै बुजायनानै
होदो नोङो गियानखौ नोँनि
-
नै लोगो फैदो फैदो नोङो
आंनि उन्दुसोनायाव जिरायफैदो
नोङो गसाइ बोखांगारदो
-
आंनि लोमजानायखौ होनानै
नोङो आंनो गाबनायखौ दाहो
नै फोजोबगार हांआव।
-
08/10/2015
बंङाइगामि।लजिँआव