गोरबो इसिँनिफ्राइ -15 Poem by Ronjoy Brahma

गोरबो इसिँनिफ्राइ -15

नै आंनि अबं सिखारदो सिखारथारदो
आंनि बे यज्ञनि गेवलां मेलाव
बयनिबो बेँदिँनाय अरनि गेजेरावनो
बेवनो आखाय फोलावनानै
खुलुमो आं गशाइ
-
गेबेँ आर'जजोँ गोसो गोथार रंजानायजोँ
खुलुमो नोँथांखौ गुगुरुब गुगुरुब
-
रावबो मिथिया सोरनि हांख्रायनायाव
नुजाफैगोन नोँ गोजोनना गेबेँ आर'जआव
-
गसाइ खावलायदोँ आंबो गले गले
आन्थोरज'यै गेदेमा ॐकार रिँसारजोँ
गोरबो बिखायाव ब्रह्म गायत्रीजोँ
-
बोहैहोदोँ मोननो नुनो हास्थायनानै
खोल खोल मेगननि गोजोँ निजोरा
नै गसाइ बोहैहोदोँ गोरबो
-
तप साघनानि बोलोजोँ
अराव गोथार आहुति होनानै
गोरोन्थि अहंकार हिंसा
मुगैनायखौ सावबाय
सोलास्लिबनाय अगेन
दुथां सालायखौ
सावस्रेमना लागोन
सहायना खामग्लिहोनो
हिंसा साननायखौ
-
दिनै आंनि लंथं सिनायथिया
आंनि होननाय गैया थारैनो
बे सैथोआ जेराव खोबथेया
गावखौनो
बेव बुंथिना लाजिरोङै
दुखुआ आंनि
सुफुंना लागोन
नोँथांनि साबसिन दानआव।

Wednesday, July 16, 2014
Topic(s) of this poem: poem
COMMENTS OF THE POEM
READ THIS POEM IN OTHER LANGUAGES
Ronjoy Brahma

Ronjoy Brahma

Amteka (Chirang) /Assam, India
Close
Error Success